:: Gehraayi

(blogging in hinglish)

Hindi chhore arsa beet gya hai..par aaj bhi agar dil se kch kehna ho toh hindi ke alawa kch nahi sochti hu... aj bethe bethe yu hi bas kch yad aaya... aur ab me use likh ri hu... 

A poem titled - 'Gehraayi' 

 Dekha asmaan mein maine,

Ek din yu hi bethe bethe,

Dekha uski vishalta ko, 

Do ankho mein simat te.

Us asmaan ko chamakte dekha,

Kabhi kabhi bujha bujha bhi dekha,

Uski garaj se lekar, 

Uska sukoon, sab dekha. 

Un taaron ko timtimate bhi dekha,

Unko tut te bante bhi dekha,

Par beh chale mere ansu,

Jis din mene usko baraste dekha.

Yeh asmaan bohot gehra hai,

Darr hai, kho dungi khud ko isme.

Yeh asmaan bohot tanha hai,

Yakin hai, paa lungi khud ko isme.

Hazaro saval puchta,

Hazaro jawab chahta,

Yeh teri ankho ka asmaan hai,

Yeh kuch nahi... sirf teri ankhe hain! 

  

          - vishruti singh

To the one who is one of the closest friend I have here, "meri jaan, teri ankhe mujhe sachi bot pasand hain... kbhi bta nahi paungi kyu.. bas jitta bata pai wo yehi hai"

Love u meri jaan!  

#iamvish